اسلام آباد۔22مئی(اے پی پی)سینیٹ افریقی ملکاں نال معاشی، سفارتی، سیاسی اتے عوامی سطح تے تعلقات ودھاوݨ دے عزم تے مبنی قرارداد دی منظوری ݙے ݙتی۔ اے قرارداد خمیس کوں نائب وزیراعظم اتے وزیر خارجہ سینیٹراسحاق ڈار ایوان اچ پیش کیتی جئیں دا مقصد انہاں ملکاں نال معاشی، سماجی و ثقافتی اقدار، تجارت اتے سرمایہ کاری کوں ودھاوݨا اے۔ قرارداد اچ آکھیا ڳئے جو اے پاکستان اتے افریقی ملکاں وچال تعلقات پائیدار اتے سانجھے تاریخی رابطے تے قائم ہن پاکستان افریقی ملکاں دی نو آبادیاتی نظام دے خلاف جدوجہد آزادی دی بھرپور تائید کریندے کیوں جو اے انہاں دی حق خودارادیت دی جدوجہد اے۔ قرارداد اچ سانجھی اقدار اتے سانجھے ثقافتی تنوع دا اعتراف کریندے ہوئیں عالمی اتے علاقائی امور تے پاک افریقہ تعلقات کوں مستحکم کرݨ تے زو?? ݙتا ڳئے ۔ قرارداد اچ اے وی آکھیا ڳئے جو پاکستان افریقی ملکاں نال انگیج افریقہ پالیسی دے ذریعے تعلقات دے ودھارے دی تعریف کریندے جئیں دا مقصد سیاسی، معاشی، سماجی اتے ثقافتی اقدار، تجارت، سرمایہ کاری اتے عوام دی سطح تے تعلقات کوں ودھاوݨا اے۔ اے ایوان ایں مشترکہ عزم دا اعادہ کریندے جو اقوام متحدہ دے منشور اتے اصولاں موجب خاص کرعالمی تعلقات اچ دھونس اتے طاقت دے استعمال کوں روکݨ ، عوام دی خودارادیت، سالمیت دا تحفظ، علاقائی خود مختاری دا احترام اتے انہاں دے اندرلے معاملات اچ عدم مداخلت تے زو?? ݙیندے۔ ایوان پاکستان دے افریقی ملکاں اچ اقوام متحدہ دے زیر سایہ امن مشن دی تعریف کریندے ۔ قرارداد اچ آکھیا ڳئے جو جنوب تعاون نال موجودہ عالمی صورتحال توں جامع ترقی اتے مشترکہ چیلنج نال نبڑݨ اچ مدد ملسی۔ افریقی خطے اچ نویں موقع پیدا تھیوݨ آلن اتے اے خطہ عالمی امن اتے ترقی اچ اہم کردار ادا کریندا پئے۔ قرارداد اچ اے وی اعتراف ??یتا ڳئے جو ݙو طرفہ تعلقات اتے کثیر جہتی تعلقات دے ودھارے اچ پاکستان اچ افریقی ملکاں دے سفیراں اتے ہائی کمشنراں جݙاں جو پاکستانی وزارت خارجہ دے افسراں اتے اہلکاراں دا اہم کردار اے
