اسلام آباد ۔08 نومبر(اے پی پی)وزیر خارجہ شاہ محمود قریشی مذہبی تعلیمات کیتے مخصوص مدارس کوں قومی دھارے اچ رلاونڑ تے زورڈیندے آکھیے جو ملک اچ ہک مضبوط معاشرے دی تشکیل،انتہا پسندی و دہشتگردی مکاونڑ اتے امن و محبت دے ودھارے کیتے صوفی ازم توں سیکھنڑا چاہیدے۔ او ملتان اچ بہاﺅ الدین زکریا یونیورسٹی صوفی کانفرنس نال خطاب کریندے پئے ہین جیندے اچ صدر مملکت عارف علوی مہمان خصوصی ہن۔انہاں آکھیے جو برصغیر اچ اسلام دی ترویج کیتے صوفیا کرام دا کرداراگونہا رہے،ایں سانگے ضروری اے جو انتہاءپسندی و دہشت گردی دے خطریاں دے مقابلہ کیتے صبر و برداشت دی تعلیم عام کیتی ونجے، صوفیاءہمیشہ امن و محبت دا پیغام عام کیتے تاں جو ہک مضبوط معاشرہ تشکیل ڈتا ونج سگے۔ انہاں آکھیا جو پاکستان ایں ویلھے ہک اوکھے دور توں لنگھدا پئے ایں سانگے سارے طبقیاں وچال اتحاد و ہم آہنگی ودھاونڑ دی لوڑھ اے ۔انہاں آکھیا جو بہاﺅ الدین زکریا یونیورسٹی پاکستان دے لوکاں کون ہک مٹھ کرنڑ ،بھرا بھرپی اتے یکجہتی کیتے چنگاں کردار ادا کریندی پئی اے۔
