لاہور۔6جنوری(اے پی پی)گورنر پنجاب چوہدری محمد سرور آکھیے جو مخالفین سݨ ڳھنن جو مارچ دے بعد اپریل ہوسی اتے ٻیا کڄھ نئیں تھیوݨا، پچھلے آلی کار اگلے مارچ وی لنڳھ ویسن، اپوزیشن صبر کرے، الیکشن 2023 اچ ہی تھیسن۔ اے ڳالھ انہاں ملݨ آوݨ آلے گورنر گلگت بلتستان راجہ جلال حسین مقبون نال الیندے آکھی اتے انہاں نال سیاسی و حکومتی معاملیاںس ودھا گلگت بلتستان دی ترقی سانڳے اقدامات تے الایا۔ گورنر پنجاب آکھیا جو حکومت اتے وزیراعظم عمران خان ݙوہیں آپݨی آئینی مدت پوری کریسن، پہلی بار ملک دی ہر چنݙ ڳٹھ اچ ہکو سویں ترقی تھیندی پئی اے، عمران خان سیاسی ایجنڈے دی بجائے ملک و قوم دی ترقی تے یقین رکھدن۔
