اسلام آباد۔13ستمبر (اے پی پی) صدر مملکت ڈاکٹر عارف علوی ملک دی سماجی اتے اقتسادی ترقی کیتے چھوٹی اتے کاٹیج انڈسٹریز کوں ترقی ݙیوݨ دی لوڑھ تے زور ݙیندیں ہوئیں آکھیا جو ایں پاروں نہ صرف لوکاں کوں روزگار ملسی بلکہ ایندے ملک دی معیشت تے مثبت اثرات پوسن۔ اڄوکی برآمدی منڈیاں اچ ??پݨی رسائی کوں ودھاوݨ اتے نویں برآمدی منڈیاں دی ڳول نال ملک دے صنعتی اتے کاروباری شعبیاں اچ نشابر تبدیلی ??ئی اے۔ معیشت کوں دستاویزی شکل ݙیوݨ نال ٹیکس دے وݙے مسئلے حل تھی ویسن۔ اے ڳالھیں انہاں ایوان صدر اچ ??رگودھا چیمبر آف کامرس اینڈ انڈسٹری (ایس سی سی آئی) ولوں تھیوݨ آلے اچیومنٹ ایوارڈز دی تقریب نال خطاب کریندیں ہوئیں آکھی۔ ایں موقع تے سرگودھا چیمبر دے صدر چوہدری شعیب احمد بسرا وی خطاب کیتا۔ تقریب اچ ??فارتکاراں، ایس سی سی آئی دے عہدیداران اتے اہم شخصیات وی شرکت کیتی۔
