اسلام آباد۔5جنوری (اے پی پی) وزیراعظم محمد شہباز شریف ہدایت کیتی جو ، آندے ترائے سالیں اچ آئی ٹی برآمدات 15 ارب ڈالر تئیں ودھاوݨ کیتے عملی اقدامات کیتے ونڄن۔ آئی ٹی نصاب کوں انڈسٹری دی لوڑھ نال جوڑیا ونڄے۔ آئی ٹی انڈسٹری اپݨی برآمدی آمدݨ پاکستان ڳھن آوے۔ وزیراعظم آفس دے میڈیا ونگ توں جاری بیان موجب وزیراعظم محمد شہباز شریف دی صدارت خمیس کوں انفارمیشن ٹیکنالوجی دے شعبے بارے ہک اہم اجلاس تھیا۔ وزیراعظم حکومت اتے آئی ٹی انڈسٹری وچال ہم آہنگی ودھاوݨ اتے آئی ٹی انڈسٹری دے مسئلیاں دے حل کیتے ہک اسٹینڈنگ کمیٹی ٻݨاوݨ دی ہدایت کیتی۔ وزیراعظم محمد شہباز شریف ہدایت کیتی جو ، آندے ترائے سالیں اچ آئی ٹی برآمدات 15 ارب ڈالر تئیں ودھاوݨ کیتے عملی اقدامات کیتے ونڄن۔اجلاس اچ وفاقی وزیر خزانہ و محصولات اسحاق ڈار ، وفاقی وزیر انفارمیشن ٹیکنالوجی و ٹیلی کام امین الحق ۔مشیر وزیراعظم احد چیمہ ،وزیراعظم دے معاونین خصوصی طارق باجوہ، جہانزیب خان ، سید فہد حسین ،شیزہ فاطمہ ،اعلی سرکاری افسران اتے پاکستان دے آئی ٹی انڈسٹری دے نمائندے شریک تھیے۔
