اسلام آباد۔17جنوری (اے پی پی) صدر مملکت ڈاکٹر عارف علوی آکھیا جو دنیا کوں رنگ، نسل اتے زبان دی تفریق دے بغیر انسانیت تے مبنی اخلاقیات اتے ہک نویں ورلڈ آرڈر دی لوڑھ اے۔ ترقی یافتہ ملک ذاتی فائدے دی پالیسیاں تے عمل کریندےپن اتے اپݨی مخصوص لوڑھ، خواہشات اتے ترجیحات کوں ݙٹھے بغٰر اپݨی پالیسیاں اتے سوچ ڳھٹ ترقی آلےملکاں تے لاگو کرن۔ ترقی یافتہ ملک اپݨا طے تھیا مفاد عالمی نظام ڳھٹ ترقی یافرہ ملک اتے اونویں عمل کرن جئیں اچ کہیں فائدے بغیر اتے انہاں دے طرز زندگی، ترجیحات اتے سماجی تے ثقافتی اقدار کوں ݙیکھ تے کیتا ڳیا ہووے۔ اے ڳالھیں انہاں منگل کوں انسٹی ٹیوٹ آف ریجنل سٹڈیز ولوں ݙوجھی بین الاقوامی کانفرنس بعنوان ’’سیکیورٹی ڈائیلاگ‘‘ دے افتتاحی اجلاس توں خطاب کریندیں ہوئیں آکھی۔ انہاں آکھیا جو قومی اتے ریاستاں دے روایتی تصور کوں چیلنج کیتا ویندا پے جئیں کوں ترجیحی بنیاداں تے سنبھالݨ دے لوڑھ اے۔ موسمیاتی تبدیلی انسان اتے کرہ ارض تے ٻئے جاندار اتے غیر جاندار چیزاں کوں متاثر کیتے کیونجو ہک اندازے دے مطابق 2050 تئیں پنڄاہ قسم دے کیڑے مکوڑے ختم تھیوݨ دا ݙر اے جئیں پاروں تباہ کن قدرتی آفات موسمی نظام کوں متاثر کیتے۔ انسٹی ٹیوٹ آف ریجنل اسٹڈیز دے صدر سفیر ندیم ریاض اپݨے خطبہ استقبالیہ اچ آکھیا جو انسٹی ٹیوٹ آف ریجنل اسٹڈیز اپݨٰی تحقیق کوں جنوبی ایشیا، بھارت، افغانستان، ایران، چین، علاقائی سلامتی اتے سائبر سکیورٹی تے مرکوز رکھیے۔ انہاں آکھیا جو کانفرنس دا مقصد پالیسی سازاں کوں خصوصی طور روایتی اتے غیر روایتی خدشات، موسمیاتی تبدیلی اتے جامع سکیورٹی دے مستقبل دے شعبیاں اچ آگاہی ݙیندے۔
