اسلام آباد۔01 جولائی(اے پی پی) وزیر خارجہ بلاول بھٹو زرداری یکم جولائی توں 4 جولائی تئیں جاپان دا دورہ کریندے پن جیندے کیتے او ٹوکیو پڄ ڳن۔ترجمان دفتر خارجہ آکھیے جو جاپان اچ پاکستانی سفیر رضا بشیر تارڑ، جاپانی وزارت خارجہ دے حکام اتے پاکستانی کمیونٹی دی وݙی تعدادانہاں دا استقبال کیتے۔ وزیر خارجہ کوں دورے دی دعوت جاپان دی ھکومت ݙتی ہئی جیندے نال قیادت دی سطح تے رابطیاں دی ولا بحالی ممکن تھیسی۔ وزیر خارجہ جاپان اچ جاپانی ہم منصب یوشیماسا حیاشی نال وفود دی سطح تے ڳالھ مہاڑ کریسن اتے جاپان دے وزیر اعظم فومیو کیشیدا سودھا جاپان دے قومی سلامتی دے مشیر ٹیکیو اکیبا نال وی ملسن۔ وزیر خارجہ ایشیائی ترقیاتی بینک انسٹی ٹیوٹ اچ خطاب کریسن۔ وزیر خارجہ دی جاپان اچ پاکستانی افرادی قوت دی درآمد بارے مہاندرے بزنس ہائوسز اتے اداراں دے نمائندہ سینئر حکام اتے ایگزیکٹوز نال وی ڳالھ مہاڑ تھیسی۔
