اسلام آباد۔13اکتوبر(اے پی پی)وفاقی وزیرِقومی صحت سید مصطفیٰ کمال آکھیے جو پاکستان ازبکستان دے نال صحت دے سارے شعبیں اچ تعاون کیتے پُرعزم اے، ݙوہیں ملکاں دے عوام دی صحت دی بہتری کیتے رَل مِل تے کَم کریسوں، وزارتِ صحت دی سطح تے ادارہ جاتی تعاون کوں ودھایا ویسی۔ اے ڳالھ انہاں ازبکستان دے سفیر علی شیر تختیوف نال ملاقات اچ آکھی ۔ ݙوہیں رہنماواں صحت دے شعبے اچ تعاون ودھاوݨ تے وی اتفاق کیتا۔ ملاقات اچ صحت دے شعبے سودھے آپت دے دلچسپی دے معاملیں تے ڳالھ مہاڑ تھئی۔ وفاقی وزیر صحت آکھیا جو ݙوہیں ملکاں وچال بھرپی آلے تے گھاٹے تعلقات ہن، ݙوہیں ملکاں وچال طبی تعلیم، تحقیق اتے ڈیجیٹل میڈیسن اچ سانجھ ودھاوݨ تے اتفاق تھیا۔ مشترکہ منصوبیں کیتے مفاہمتی یادداشت یا معاہدے تے عملدرآمد اتے میڈیکل یونیورسٹیاں وچال تعلیمی و تحقیقی اشتراک ودھارے تے وی اتفاق تھیا۔ پاکستان اچ تاشقند اسٹیٹ میڈیکل یونیورسٹی دی شاخ دے قیام تے ڳالھ مہاڑ تھئی۔ انہاں آکھیا جو طبی ماہرین کیتے گھٹ ویلھے دی تربیت و انٹرن شپ پروگرامز ہک ݙوجھے دے تجربیں توں فیدہ چاسڳدن۔ کارڈیالوجی، آنکولوجی، اینڈوکرائنولوجی اتے سرجری اچ تربیتی تعاون کوں ودھارا ݙتا ویسی جݙاں جو ڈیجیٹل ہیلتھ، ٹیلی میڈیسن اتے اے آئی تے مبنی تشخیص اچ اشتراک کوں وی ودھیسوں۔
.jpg)