ملتان ۔17جنوری (اے پی پی)وزیر خارجہ مخدوم شاہ محمود قریشی آکھیا جووسیب کوں شناخت ضرور ملسی، وسیب دی آواز کوں نہ کوئی سگدے اتے نہ کوئی جھکا سگدے ۔ تحریک انصاف وفاق دی حامی اتے تکڑی فیڈریشن تے یقین رکھیندی اے ۔اساں سیکرٹریٹ بݨا تے جنوبی پنجاب صوبے دی بنیاد رکھ ݙتی اے۔ وزیراعظم عمران خان کوں جنوبی پنجاب صوبے دے قیام کیتے قائل کیتے ۔ انہاں آکھیے برطانوی پارلیمنٹیرینز واضح کر ݙتے جو اے عالمی سطح تے متنازعہ مسئلہ اے ۔اے ساݙے سفارتی نقطہ نظر دی بہوں وݙی کامیابی اے ۔انہاں آکھیا جو پاکستان افغانستان اچ دیر تئیں راہݨ آلےقیام امن کیتے مصالحانہ کردار ادا کیتے ۔ بھارت افغانستان اچ قیام امن دی کوششاں اچ ہک سپائیلر دا کردار ادا کر یندا پئے ۔انہاں آکھیے جو پہلے ݙینھ توں آہدے پئے ہیں جو پی ڈی ایم اندرونی انتشار دا شکار اے۔استعفیاں ‘ لانگ مارچ اتے بہوں سارے معاملات اچ اختلافات عوام دے سامݨے ہن ۔انہاں وکھرے علاقیاں دا دورہ کریندے ہوئیں اے ڳالھیں کیتن انہاں آکھیا جو ملتان دا سیوریج نظام بوسیدہ تھی چکے جیندی تبدیلی کیتے ݙو ارب روپے دی لاگت نال سیوریج سسٹم وچھایا ویسی۔وزیر خارجہ مخدوم شاہ محمود قریشی چیئرمین پی ایچ اے اعجاز جنوعہ اتے انہاں دی ٹیم نال انہاں دے دفتر اچ ملاقات کیتی اتے ملتان دے پارکاں دی حالت اتے انہاں دی بہتری بارےڳالھ مہاڑکیتی ۔
.jpg)
