اسلام آباد۔30جولائی(اے پی پی)پبلک پروکیورمنٹ ریگولیٹری اتھارٹی (پیپرا) سرکاری خریداری دے قوانین، ڈیجیٹل پروکیورمنٹ نظام اتے ادارہ جاتی اصلاحات کوں تیز کریندے وزیراعظم دے اصلاحاتی ایجنڈے دی تکمیل دیاں کوششاں ٻیا ودھا ݙتن۔ ایہہ ڳالھ منیجنگ ڈائریکٹر پیپرا حسنات احمد قریشی ورلڈ بینک دے وفد کوں بریفنگ ݙیندے آکھی۔ وفد دی اڳواݨی مشرقِ وسطیٰ، شمالی افریقہ، افغانستان اتے پاکستان دے ریجنل پروکیورمنٹ منیجر ماجد ال بیّاع کریندے پئے ہن۔ ایم ڈی پیپرا ݙسایا جو وزیراعظم اتے وفاقی کابینہ دیاں ہدایات سانڳے پیپرا اپݨے ریگولیٹری فریم ورک اچ وݙیاں اصلاحات کیتن۔ اتھارٹی نہ صرف پیپرا آرڈیننس 2002 اچ ترامیم کوں حتمی شکل ݙتی اے ٻھل سرکاری اداریاں، سپلائرز، مقامی و غیر ملکی قانونی ماہرین دی مشاورت نال پبلک پروکیورمنٹ رولز 2025 دا مسودہ وی ٻݨائے، نویں قواعد اچ شکایتاں دے ازالے کیتے ہک آزاد و مؤثر میکانزم، خریداری دے عمل اچ شفافیت کیتے تھرڈ پارٹی دی شمولیت، سرکاری اداریاں اچ خریداری سیلز و افسراں دے واضح کردار، بلیک لسٹنگ اتے تنازعات دے تصفیے کیتے متبادل نظام جھیں اقدامات کیتن۔ انہاں آکھیا جو اساں اینڄھا ریگولیٹری اتے ڈیجیٹل نظام ٻݨیدے پئے ہیں ڄیڑھا کارکردگی تے سمجھوتہ کیتے بغیر شفافیت کوں یقینی بݨیسی اتے سرکاری خریداری کوں بین الاقوامی طریقہ کار دے مطابق ہم آہنگ بݨاوݨ اچ ہتھ ونݙیسی۔ ای پروکیورمنٹ یا ای پیڈز کوں اصلاحاتی ایجنڈے دا اہم جزو قرار ݙیندے انہاں ݙسایا جو ایں ویلھے وفاقی و صوبائی سطح تے 8,480 توں ودھ ادارے ای پیڈز دا استعمال کریندے پئن ڄݙاں جو 34,500 توں ودھ سپلائرز و کنٹریکٹرز اتھاں رجسٹرڈ ہین، گزریل مالی سال 522,000 توں ودھ معاہدے جیندی مالیت 1308 ارب روپے اے، ایں پلیٹ فارم توں طے تھئین۔ پلیٹ فارم اچ نویاں سہولتاں رلاعن جیندے اچ ای-سبمیشن، ای-ڈسپوزل، نیب اتے مسابقتی کمیشن آف پاکستان دے ڈیش ب??رڈز، نادرا نال بائیو ویری فکیشن کیتے اشتراک، عوام کیتے ڈیش ب??رڈ، اتھارٹی دی نویں ویب سائٹ ڄھیں اقدامات شامل ہین، ایویں ہی ای پیڈ ہیلپ ڈیسک کوں سویلے ساݙھے اٹھ وڄے توں رات ساݙھے یارھاں وڄے ??ئی?? فعال کر ݙتے۔ انہاں ݙسایا جو ای پیڈز دے دائرہ کار کوں ودھیندے ہوئیں ایکوں سال دے چ??یکڑ ??ئی?? آزاد کشمیر اتے گلگت بلتستان اچ فعال کر ݙتا ویسی، ادائیگی دے نظام کوں خودکار بݨاوݨ اتے ای پیڈز اچ آرٹیفیشل انٹیلی جنس ماڈیولز رلاوݨ کیتے اقدامات جاری ہین۔ حسنات قریشی آکھیا جو اتھارٹی ادارے اچ نویں ماہرین و سپیشلسٹ دی بھرتی کیتی اے تاں جو پیپرا دے مینڈیٹ اچ وسعت دے نال ادارہ جاتی اصلاحات کوں یقینی بݨایا ونڄ سڳے. تربیت و استعداد کار ودھاوݨ کیتے پیپرا گزریل ہک سال اچ 46 تربیتی سیشناں اچ 1,600 توں ودھ سرکاری اہلکاراں و پروفیشنلز کوں ای پیڈز و خریداری قوانین بارے تربیت ݙتی اے۔ انہاں ݙسایا جو اتھارٹی بین الاقوامی پارٹنرز جیڑھے جو عالمی بینک، ایشیائی ترقیاتی بینک اتے یو این ڈی پی دے نال رل تے ماہرین کیتے تربیتی ماڈیولز، آن لائن لرننگ پلیٹ فارم اتے ایکریڈٹیشن دا نظام ٻمیدی پئی اے۔ عالمی بینک دے وفد پیپرا دیاں اصلاحاتی کوششاں دی تعریف کریندے پالیسی معاملات، ڈیجیٹل نظام دے نفاذ اتے استعداد کار کیتے جاری سرگرمیاں اچ اتھارٹی کوں مکمل تعاون دا یقین ݙیوایا۔
