اسلام آباد۔ 23 جون(اے پی پی)او آئی سی ملکاں دے وزرائے خارجہ کونسل ایران دے خلاف اسرائیلی جارحیت دی مذمت کریندے حملے فوری طور تے بند کرݨ دا مطالبہ کیتے جݙاں جو پاکستان- بھارت جنگ بندی اَتے سندھ طاس معاہدے دی سختی نال پاسداری اَتے تصفیہ طلب تنازعیاں دے حل کیتے ݙو طرفہ مذاکرات تے زور ݙتے۔ او آئی سی دے رکن ملکاں دے وزرائے خارجہ 21 اَتے 22 جون کوں او آئی سی وزراء خارجہ کونسل دے 51 ویں اجلاس کیتے استنبول اچ کٹھے تھئن جیںدا موضوع “بدلدی ہوئی دنیا اچ او آئی سی” ہا۔ وزرائے خارجہ کونسل اپݨے سانجھے اعلامیہ اچ اسرائیلی عدم استحکام دی پالیسیاں دی شدید الفاظ اچ مذمت دے نال نال اسرائیل دے ایران، شام اَتے لبنان تے حالیہ حملیاں دی وی مذمت کیتی اَتے ایکوں انہاں ملکاں دی خودمختاری اَتے سلامتی اَتے بین الاقوامی قانون دی کُھلی خلاف ورزی قرار ݙتا۔ او آئی سی اسرائیل کوں جرائم کیتے جوابدہ بݨاوݨ تے زور ݙتا اَتے فیصلہ کیتا جو ہک وزارتی رابطہ گروپ ٻݨایا ونجے جیڑھا متعلقہ علاقائی اَتے بین الاقوامی فریقاں نال باقاعدہ راب??ے قائم کرے تاں جو تناؤ کوں گھٹ کرݨ دیاں کوششاں دی حمایت اَتے پرامن تصفیہ حاصل کیتا ون٘ڄ سڳے۔ وزراء خارجہ کونسل ایران دے خلاف اسرائیلی حملیاں کوں روکݨ دی تے زور ݙتا اَتے خطے اچ انسانی، اقتصادی اَتے ماحولیاتی صورت حال کوں خطرے اچ پاوݨ آلے خطرناک ودھارے تے وݙا چنتا کیتے۔ او آئی سی دے وزرائے خارجہ پاکستان دی حکومت اَتے عوام نال یکجہتی اَتے جنوبی ایشیا دے خطے اچ حالیہ فوجی کشیدگی بشمول پاکستان اَتے آزاد جموں و کشمیر اچ کئی علاقیاں تے بلاجواز حملیاں تے وی چنتا کیتے۔ انہاں ودھ توں ودھ تحمل ݙکھاوݨ اَتے اینڄھے اقدامات توں پچھو تے ہٹݨ تے زور ݙتا جیںدے نال خطے کوں عدم استحکام دا سامݨا کرݨا پووے۔ انہاں آکھیا جو علاقائی امن و استحکام دے مفاد اچ جنگ بندی دی پابندی کیتی ونڄݨی چاہیدی اے۔ انہاں ݙو طرفہ معاہدیاں تے سختی نال عمل کرݨ بشمول سندھ آبی معاہدہ اَتے پاکستان اَتے بھارت وچال سارے تصفیہ طلب تنازعاں دے پرامن حل کیتے وسیع البنیاد مذاکرات دی اہمیت تے زور ݙتا۔ او آئی سی وزراء خارجہ کونسل جموں و کشمیر دے عوام نال یکجہتی دی تجدید کریندے اقوام متحدہ دی سلامتی کونسل اَتے او آئی سی دیاں متعل??ہ قرارداراں اَتے کشمیری عوام دی خواہشات دے مطابق انہاں دے ناقابل تنسیخ حق خودارادیت دی مکمل حمایت کیتی۔ انہاں بھارت دے غیر قانونی طور تے زیر تسلط جموں و کشمیر اچ وݙے پیمانے تے انسانی حقوق دی خلاف ورزیاں دی وی مذمت کیتی۔ او آئی سی دے وزرائے خارجہ او آئی سی کیتے فلسطینی کاز دی مرکزیت دا ذکر کریندے 1967ء دی سرحداں تے مشتمل ہک خودمختار، متصل فلسطینی ریاست دے قیام دی پختہ حمایت دا اعادہ کیتا جیںدا دارالحکومت مقبوضہ بیت المقدس ہووے اَتے ایندا ݙو ریاستی حل ہی ساریاں کیتے خطے اچ امن و استحکام تئیں پُڄݨ دا ہکو قابل عمل حل اے۔ انہاں مسئلہ فلسطین دے پرامن حل اَتے ݙو ریاستی حل اَتے اقوام متحدہ دیاں متعل??ہ قرارداراں تے عمل در??مد کیتے سعودی عرب اَتے فرانس دی سانجھی صدارت اچ اقوام متحدہ دی اعلیٰ سطح کانفرنس سݙاوݨ دی اہمیت دا اعادہ کیتا۔ انہاں ورکنگ گروپس دا کم ݙو واری شروع کرݨ اَتے اقوام متحدہ دے سارے رکن ملکاں کوں کانفرنس اچ فعال طور تے شرکت دی دعوت ݙتی۔ وزرائے خارجہ گزریل 19 مہینیاں توں غزہ دی پٹی اچ جاری نسل کشی دی اسرائیلی مہم دے نال نال مشرقی یروشلم سودھا مغربی کنارے اچ تباہی اَتے قتل عام دیاں منظم مہماں دی مذمت کیتی۔ انہاں جارحیت دے خاتمے، غزہ دی پٹی اچ بحالی اَتے تعمیر نو دے منصوبے کوں اڳوں ودھاوݨ کیتے مستقل اَتے پائیدار جنگ بندی اَتے سلامتی کونسل دی قرارداد 2735 تے عمل در??مد دی اہمیت کوں اجاگر کیتا۔ انہاں انسانی امداد دے داخلے اچ رکاوٹ پاوݨ اَتے اقوام متحدہ دے انسانی ہمدردی دے اداریاں کوں اپݨے مینڈیٹ تے عمل کرݨ توں روک تے بکھ کوں نسل کشی دے طریقہ کار دے طور تے استعمال کرݨ دے اسرائیلی اقدامات دی مذمت کیتی۔ انہاں آکھیا جو اساں فلسطینی عوام دی جبری نقل مکانی دے ساریاں طریقیاں کوں مسترد کرݨ، کراسنگ اَتے سرحداں کوں فوری طور تے کھولݨ، انسانی امداد دی بلا روک ٹوک اَتے مناسب ترسیل اَتے فلسطینی شہری آبادی دے تحفظ دی فراہمی دا مطالبہ کریندن۔ انہاں فلسطینی پناہ گزیناں کیتے مشرق وسطیٰ اچ اقوام متحدہ دی ریلیف اینڈ ورکس ایجنسی دی حمایت کریندے فلسطینیاں کوں زبردستی انہاں دی سرزمین توں بے گھر کرݨ اَتے غزہ اچ ضروریات زندگی کوں اسرائیل ولوں منظم طریقے نال نشانہ بݨاوݨ دے اقدامات کوں مسترد کر ݙتا۔ وزرائے خارجہ کونسل غزہ دی تعمیر نو کیتے عرب اسلامی منصوبے کیتے اپݨی حمایت دا اعادہ کیتا اَتے القدس الشریف دیاں تہذیبی خصوصیات کوں تبدیل کرݨ، ایںدے عرب اَتے اسلامی کردار کوں مسخ کرݨ اَتے ایںدی قانونی حیثیت کوں مجروح کرݨ دیاں اسرائیلی کوششاں تے چنتا کیتا۔ انہاں تریے توحیدی مذاہب وچال رواداری اَتے بقائے باہمی دی علامت دے طور تے مقدس شہر دی سنڄاݨ برقرار رکھݨ دی لوڑھ تے زور ݙیتا۔ انہاں ودھدے ہوئیں اسلامو فوبیا تے وی چنتا کیتا اَتے عالمی برادری توں مطالبہ کیتا جو او قومی اَتے عالمی سطح تے انتہا پسندی، نفرت انگیز تقریراں، مذاہب دی بے حرمتی، منفی تصورات اَتے مذہب، عقیدے یا نسل دی بنیاد تے لوکاں کوں بدنام کرݨ توں نبڑݨ کیتے مؤثر اقدامات کرے۔ انہاں آکھیا جو دہشت گردی اَتے انتہا پسندی کوں کِہیں مذہب، نسل یا قومیت نال نئیں جوڑیا ون٘ڄ سڳدا اَتے ایںدی کہیں وی شکل و صورت توں ہٹ تے ایںدی مذمت کیتی ون٘ڄݨی چاہیدی اے۔ وزرائے خارجہ دی کونسل آذربائیجان اَتے آرمینیا وچال تعلقات دے معمول تے آوݨ دے عمل دا خیرمقدم کیتا جیںدے اچ امن اَتے بین ریاستی تعلقات دے قیام دے ݙو طرفہ معاہدے تے مذاکرات دا اختتام وی شامل اے، آرمینیا تے زور ݙتا ڳیا جو او ایں معاہدے تے دستخط کیتے باقی قانونی اَتے سیاسی رکاوٹاں کوں دور کرے۔ تنظیم شام دے علاقائی اَتے بین الاقوامی نظام اچ انضمام کیتے شام دی عبوری حکومت دیاں کوششاں دا خیرمقدم کیتا اَتے استحکام و سلامتی یقینی بݨاوݨ کیتے شام دی سیاسی اَتے مالی مدد جاری رکھݨ تے زور ݙیتا۔ انہاں اپݨے موروثی حقوق دے حصول کیتے مسلم ترک قبرص دے لوکاں دیاں امیداں دی حمایت کیتی اَتے مغربی تھریس دی ترک مسلم اقلیت اَتے یونان اچ ڈوڈیکنیز دی ترک مسلم آبادی کوں انہاں دے بنیادی حقوق اَتے آزادی کوں یقینی بݨاوݨ کیتے حمایت کیتی۔ انہاں میانمار اچ روہنگیا اَتے ݙوجھے مسلم گروپاں دے خلاف انسانی حقوق دی خلاف ورزیاں تے وی چنتا کیتے۔ انہاں جمہوریہ سرپسکا دیاں پالیسیاں دی وی مذمت کیتی جیڑھی بوسنیا اَتے ہرزیگوینا دی خودمختاری اَتے ڈیٹن امن معاہدے کوں نقصان پچیندی پئی اے۔
.jpg)
