اسلام آباد ۔ 11 اپریل(اے پی پی)وزیراعظم محمد نواز شریف نال بیلارس دے ایوان نمائندگان دے چیئرمین ولادی میر آندرے چینکودی وفد رلے ملاقات کیتی۔وزیراعظم انہاں دا خیر مقدم کریندیں ہوئیں آکھیا جو پاکستان اتے بیلاروس دے تعلقات گزریل ڈوسالیں وچال وڈے تکھے ودھین اتے ڈوہیں ملک مختلف شعبیاں اچ ڈو پاسہ تعلقات کوں بئیا ودھیندے پئن ۔وزیراعظم آکھیا جو ڈو پاسہ تعلقات کوں بئیا گھاٹا بنڑاونڑ سانگے پارلیماناں وچال باقاعدگی نال رابطے ضروری ہن ۔انہاں آکھیا جو پارلیمنٹس عوامی سطح تے رابطیاں،مفاہمت اتے آپسی فائدے اچ تعاون دے ودھارے سانگے پل دا کردار نبھیندی پئی اے۔وزیراعظم،پاکستان بیلاروس فرینڈ شپ گروپاں وچال ڈوہیں ملکاں دی پارلیمانی دے دوریاں دی تبادلیاں دی تجویز ڈتی۔انہاں وفد کوں ملکی معیشت بارے اچ ڈسایا جو پاکستان دی معیشت ودھیندی پئی اے اتے زراعت،زراعت تے مبنی صنعتاں،فارمیا سیوٹیکل، لائٹ انجینئرنگ، مشینری مینوفیکچرنگ اتے تیل تے گیس دے شعبیاں اچ سرمایہ کاری دے وڈے موقعے پیش کریندی پئی اے۔
