اسلام آباد ۔ 2 اگست (اے پی پی) پاکستان مسلم لیگ (ن) دے رہنمالیفٹیننٹ جنرل(ر) عبدالقیوم خان آکھیا اے جو پاکستان دے یوم آزادی دے مہینے دے دوران سکیورٹی فورسز ملکی سرحداں دی حفاظت سانگے خصوصی انتظامات کیتے ہن ۔ریڈیو پاکستاںنال گالھ مہاڑ کریندے ہوئیں انہاں آکھیا جو پاکستان مسلم لیگ دی حکومت کوں برسر اقتدار امدے ہی ودھ سارے چیلنجز داسامنڑا ں ہائی جیندے وچ بلوچستان دی صورتحال ، سرحد اں تے عدم استحکام اتے دہشتگردی جئے مسائل شامل ہن ۔ انھاں آکھیا جو ایہ موجودہ حکومت دی کامیابی ہے جوا وہ سکیورٹی فورسز اتے عوام دے بھرپور تعاون نال انہاں ساریاں مشکلاں تے قابو پاونڑ وچ کامیابی حاصل کیتی ہے۔ لیفٹیننٹ جنرل(ر) عبدالقیوم خان آکھیا جو حکومت اتے سکیورٹی فوسز دہشتگردی تے قابو پاونڑ سانگے پرعزم ہن اتے ا ے اپریشن چھیکڑی دہشتگرد کون مکاونڑ تئیں جاری رکھیا ویسی۔ انھاں آکھیا جو عالمی برادری وی دہشتگردی دے خلاف پاکستان دیاں کوششاں دی تعریف کیتی ہے اتے پاک فوج وی ایں چیلنج نال نبڑن دی بھرپورصلاحیت رکھیندی ہے۔
