اسلام آباد۔14اگست (اے پی پی):صدر مملکت ڈاکٹر عارف علوی آکھیے جو ٻالڑیاں دی تعلیم و تربیت خصوصی اہمیت رکھیندی اے ،کوئی وی معاشرہ تریمتاں دی شمولیت دے بغیر ترقی نی کرسڳدا ، اے ڳالھ انہاں پاکستان دی ڈائمند جوبلی یوم آزادی دے موقع تے یتیم ٻالڑیاں دے ادارے کاشانہ اچ تقریب توں خطاب کریندے ہوئیں آکھی اے ، انہاں آکھیے حضور صلی اللہ علیہ وآلہ وسلم عید دے موقع تےیتیم ٻالاں دے سر تے ہتھ رکھیا ، آپ ٻالاں تے خصوصی شفقت فرمیندے ہن تے آپݨے طرز عمل توں سبق ݙتا جو بے سہارا ٻالاں تے اللہ تے ایندے رسول دا سایہ اے۔ صدر مملکت آکھیے جو ٻالاں دی چنڳی تعلیم و تربیت پاکستان کیتے ٻہوں اہم اے، میں یوم آزادی دیاں خوشیاں یتیم ٻالاں دے نال مناوݨ دا خواہشمند ہم انہاں آکھیے جو آزادی دے پرمسرت موقع تے یتیم تے بے سہارا ٻالاں دے نال ہیسے ٻال ساݙا مستقبل ہن، اپݨی تعلیم تے بھرپور توجہ ݙیون ،ٻالڑیاں دی تعلیم و تربیت خصوصی اہمیت دی حامل اے،ٻالڑیاں بھرپور محنت کرن تے آپݨا تے آپݨے ملک دا ناں اچا کرن ۔ ڈاکٹر عارف علوی آکھیے جو چھوہریں دی تعلیم دا اہتمام پاکستان کیتے ٻہوں ضروری اے، قائدِ اعظم محمد علی جناح تریمتاں دی برابری دی تلقین کیتی۔ انہاں آکھیے کوئی وی معاشرہ تریمتاں دی شمولیت دے بغیر ترقی نی کرسڳدا ،ملکی ترقی کیتے تریمت چھوہڑیں کوں ھکو سویں موقع ݙیوݨے ہوسن
.jpg)
.jpg)
