لاہور ۔2اپریل (اے پی پی) وزیراعظم شہبازشریف آکھیا جو خنجراب پاس کھلݨ نال سی پیک دی رفتار ودھاوݨ دی راہ اچ آوݨ آلی ہک ٻی رکاوٹ دور تھی ڳی اے، تجارتی راہداری کھلݨ نال ݙوہیں ملکاں اچ تجارت ودھسی۔ ترائے سالیں بعد پاکستان اتے چین اچ تجارتی راہداری دی بحالی وݙی خوشی اے۔ ہک فارن فنڈڈ بندے سی پیک کوں متنازعہ ٻݨاوݨ دا جرم کیتے۔ آݙت وار کؤں وزیراعظم آفس دے میڈیا ونگ توں جاری بیان موجب وزیراعظم آکھیا جو امید اے جو تجارتی راہداری کھلݨ نال ݙوہیں ملکاں اچ تجارت ودھسی۔ جیڑھا پندھ نومبر 2019 اچ رُکیا ہئی، او 2023 اچ ولا بحال تھی ڳے۔ 2018 اچ سی پیک جیڑھی رفتار تے چھوڑ تے ڳے ہاسے اوں توں ودھ رفتار نال ودھاوݨ چاہندوں۔ وزیراعظم تجارتی تے سفری بحالی تے ݙوہیں ملکاں دے حکام اتے ٹیم ممبرز کوں خراج تحسین پیش کیتا۔
.jpg)
.jpg)
