اسلام آباد – 12 جون (اي پي پي) وزيراعظم جي صحت بابت خصوصي صلاحڪار ڊاڪٽر ظفر مرزا چيو آهي ته فرنٽ لائين ورڪرن جو تحفظ ۽ انهن جي مدد اهم ترجيح آهي، ڪورونا جي خلاف پهرين صف ۾ ڪم ڪندڙ ڊاڪٽرن ۽ طبي عملي جي لاءِ خصوصي پيڪيج هوندو، وفاقي ۽ صوبائي حڪومتون خصوصي پيڪيج لاڳو ڪرڻ جون ذميدار هونديون، مشڪل حالتن ۾ ذميداري ادا ڪرڻ وارا هيلٿ ورڪر اسان جا هيرو آهن، نيوز بريفنگ ۾ هن چيو ته صورتحال ان ڳالهه جي گهرجائو آهي ته ايس او پيز تي سختي سان عملدرآمد ٿئي، فرنٽ لائين ورڪرن جو تحفظ ۽ انهن جي مدد اهم ترجيح آهي، هن چيو ته فرنٽ لائين ورڪرن جي لاءِ خصوصي پيڪيج تي ڪم ڪري رهيا آهيون، خصوصي پيڪيج ڪورونا جي خلاف پهرين صف ۾ ڪم ڪندڙ ڊاڪٽرن ۽ طبي عملي لاءِ هوندو، صوبائي صحت وارا وزير ۽ ماهرن کان به ان پيڪيج تي مشاورت ڪئي وئي آهي.
