اسلام آباد ۔ 3 اکتوبر (اے پی پی) پاکستان ریلویز دے نظام تے واقع فوری مرمت دی لوڑ آلیاں پُلاں کوں پوری طرح محفوظ بنڑاونڑ کیتے اقدامات کیتے گئے ہن ۔ ریلوے حکام دے مطابق 159پلاں اچوں 73توںودھ تے کم تھی گئے جڈانجو باقی تے وی کم تیزی نال جاری ہے ۔ سگنل دی بحالی دے منصوبے دے تحت اسٹیشناں تے بلاک آلات دی بحالی اتے جدید کمپیوٹر رائز انٹر لاکنگ سسٹم دے حوالے نال وی مختلف سیکشنز تے کم پورا کر گھدا ئے جدانجو کجھ جاہیں تے کم ایں ویلھے وی جاری ہے ، 16اسٹیشناں دی خوبصورتی ، بحالی اتے انہاںد ی حدود اچ کمرشل سرگرمی شروع کرنڑ دا منصوبہ بنڑایا گئے ،جیندے تحت کراچی شہر ، کراچی کینٹ ، حیدرآباد ، سکھر ، کوئٹہ ، بہاولپور ، ساہیوال ، اوکاڑہ ، رائیونڈ ، لاہور ، ننکانہ صاحب ، ناروال ، گوجرنوالہ ، راولپنڈی ، حسن ابدال اتے پشاور سٹیشناں کوں نویں صورت دتی ویندی پئی ہے جڈانجو ریلویز دیاں زمیناں دے ریکارڈدی درستگی دے منصوبے تے کم شروع تھی گئے ۔
