اسلام آباد ۔ 10 ستمبر (اے پی پی) وزیرِاعظم عمران خان ملک اچ کنڑک دی دستیابی دی صورتحال تے اطمینان کریندے ہوئے صوبہ پنجاب ولوں کنڑک دی باقاعدگی نال فراہمی دی تعریف کریندے ہدایت کیتی اے جو پورے ملک اچ مستقبل دی لوڑھ دے مطابق مناسب ملھ تے کھنڈ اتے کنڑک دی دستیابی سانگے اقدامات یقینی بنڑائے ونجن تاں جو لوکاں کوں اوکھا نہ تھیونڑا پووے۔اے گالھ انہاں کنڑک اتے کھنڈ دی دستیابی سانگے جائزہ اجلاس دی اگوانڑی کریندے آکھی۔اجلاس اچ وفاقی وزراءمحمد حماد اظہر، سینیٹر شبلی فراز، سیّد فخر امام، مشیر خزانہ ڈاکٹر عبدالحفیظ شیخ، مرزا شہزاد اکبر، معاون خصوصی ڈاکٹر شہباز گل، گورنر سٹیٹ بینک، وزیرِ خوراک پنجاب عبدالعلیم خان، متعلقہ محکماں دے سیکرٹریزاتے چیف سیکرٹریز وی ویڈیو لنک تے شرکت کیتی۔ اجلاس اچ کنڑک اتے کھنڈ دی دستیابی، قیمتاں اتے برآمددی صورتحال ڈسائی گئی۔وزیراعظم عہدایت کیتی جو کنڑک اتے کھنڈ دی مناسب ملھ تے فراہمی کیتی ونجے اتے قیمتاں وی قابواچ رکھیاں ونجن،تاں جو لوکاں کوں خوارک دی قلت نہ تھیوے۔
.jpg)
