اسلام آباد۔5نومبر (اے پی پی) وفاقی حکومت وفاقی سیکریٹری اطلاعات تے نشریات عنبرین جان کوں پاکستان ٹیلی ویژن کارپوریشن دی منیجنگ ڈائریکٹر دا ودھیکی چارج ݙے ݙتے۔ کابینہ سیکریٹریٹ اسٹیبلشمنٹ ڈویژن توں منگل کوں جاری تھیوݨ آلے نوٹیفیکیشن دے مطابق حکومت پاکستان سول سرونٹس ایکٹ 1973 دی شق 10 دے تحت وفاقی سیکریٹری اطلاعات عنبرین جان کوں پاکستان ٹیلی ویژن کارپوریشن دی منیجنگ ڈائریکٹر دے عہدہ دا چارج ترائے مہینے دی مدت یا ریگولر تقرری تئیں ݙتے۔ عنبرین جان ایں ویلھے وفاقی سیکریٹری اطلاعات و نشریات دی حیثیت نال فرائض انجام ݙیندی پئن۔ چارج سنبھالݨ دے بعد وفاقی سیکریٹری اطلاعات و ایم ڈی پی ٹی وی عنبرین جان پی ٹی وی اچ خلاف ضابطہ بھرتیاں دی تحقیقات شروع کرݨ دا حکم ݙے ݙتے۔ 12 ریٹائرڈ ملازماں دی ولا ملازمت ختم تھیوݨ دے بعد ٻئے ملازماں دی ڈگریاں دی تصدیق دا عمل وی شروع کرݨ دی ہدایت کیتی اے۔
