اسلام آباد۔8مارچ(اے پی پی) سپیکر قومی اسمبلی راجہ پرویز اشرف پورے ملک دیاں تریمتاں دے قومی کردار تے خراج تحسین پیش کریندے ہوئیں آکھیے تریمتاں دی عزت و توقیر اساں ساریں دی عزت و توقیر اے، جیں معاشرے اچ تریمتاں کوں تحفظ حاصل ہووے اوھو معاشرہ ترقی کریندے ۔ او اتھاں عالمی یوم خواتین دے موقع تے پارلیمانی وویمن کاکس دے زیر اہتمام منعقدہ تقریب توں خطاب کریندے پئے ہن ۔ سپیکر قومی اسمبلی آکھیے پاکستان دی باہمت خواتین توں مخاطب تھی تے فخر محسوس کریندا پیاں ۔ اڄ پوری دنیا اچ تریمتاں دا عالمی ݙینھ منایا ویندا پئے ۔ اے ݙینھ مناوݨ دا مقصد خواتین دے حقوق کوں تحفظ ݙیوݨا اے ۔پارلیمان اچ قائم وویمن کاکس دا کردار ٻہوں اہمیت رکھیندے ، جیں معاشرے اچ تریمتاں دے حقوق کوں تحفظ حاصل ہوندے اوھو معاشرہ ترقی کریندے ۔پاکستانی خواتین کہیں طرح وی دنیا دی کہیں وی ملک دی خواتین توں گھٹ کائنی ، اسپیکر قومی اسمبلی آکھیے پاکستان اچ تریمتاں دا کردار کہیں توں لکیا ہویا کاکئنی ملک کوں بݨاوݨ اچ تریمتاں دا کردار شامل اے ۔ پیپلز پارٹی دی کار کردگی کوں بہتر بݨاوݨ اچ خواتین دا کردار اے۔انہاں آکھیے میں کیتے اے ڳالھ باعث افتخار ہے جو میݙی سیاسی تربیت محترمہ بینظیر بھٹو کیتی اے ۔ پاکستان پیپلز پارٹی خواتین کوں بااختیار بݨاوݨ اچ ساریں توں ودھ کردار شامل اے ۔
