اسلام آباد۔31مئی (اے پی پی):وفاقی وزیر توانائی خرم دستگیر آکھیے پاکستان اچ بجلی دی پیداوار دا انحصاردرآمدی ایندھن تے نہ ہوسی ۔ اے ڳالھ انہاں لیڈرز ان اسلام آباد بزنس سمٹ توں خطاب کریندے ہوئیں آکھی اے ، انہاں آکھیے اساکوں درآمدی کولا ، آر ایل این جی اتے تیل کوں بجلی دی پیداوار توں ٻاہر کرݨا ہوسی ۔ موجودہ گورننس اتے معیشت دا نظام کجھ لوکاں کوں فیدہ پڄاوݨ توں علاوہ عوام کوں سہولت نی ݙیندا پیا ۔ انہاں آکھیے مسلم لیگ (ن) دی حکومت آئی تاں کولیں تے قدرتی گیس جیہے سستے ایندھن توں بجلی پیدا کرݨ آلے پلانٹ لاتے لیکن یوکرین اتے روس دی جنگ توں کولا 400 فیصد مہانگا تھی ڳئے جیں توں توانائی دی پیداوار دے نویں نظام کوں دھچکا لڳا ۔ جݙاں یورپ کوں گیس دی فراہمی رک ڳئی تاں یورپ مارکیٹ اچ دستیاب گیس مل گھن ڳھدی ،پاکستان اچ بجلی دی پیداوار دے حوالے نال حکومت ھک وݙی ری تھنک کیتی جو ہݨ اے درآمدی ایندھن تے نہ ہوسی ۔ پاکستان کنے بجلی دی پیداوار دے پنج ذرائع بچ ڳن ،شمسی اتے ونڈ متبادل توانائی دے ذرائع ہن مگر انہاں دے آپݨے مسئلے ہن ، ہائیڈل انرجی مکس اچ ھک وݙا ذریعہ بݨدا پئے ،ساݙی حکومت آوݨ توں پہلے گزریل سال 660 میگاواٹ بجلی تھردے کولیں توں بݨدی پئی ہئی ہݨ 2000 میگاواٹ تھر کول توں بجلی بݨدی ہئی اے ۔ بجلی دی پیداوار کیتے تھرکول دی تجارتی اہمیت توں کوئی انکار نی کر سدا ۔ انہاں آکھیے آندی حکومت کیتے بجلی دی پیداوارکیتے پنج ذرائع مختص کیتن۔ ونڈ اتے سولر دے لارج سکیل منصوبے لاتے ویندے پئن ۔ انہاں آکھیے مقامی وسائل توں بجلی دی پیداوار دے اثرات سامݨے آوݨ لڳن ، روپے دی قدراچ تکھے گھٹکی دے باوجود ستمبر 2022 دے بعد توں بجلی دی قیمت اچ نی ودھائی ۔ بجلی دے بیس ٹیرف کوں آپݨی جاہ تے رکھیے کیوں جو تھر کول توں بجلی نظام اچ آوݨ لڳی اے ۔
