اسلام آباد۔15جون (اے پی پی):وفاقی وزیر مذہبی امور و بین المذاہب ہم آہنگی چوہدری سالک حسین پاکستان سودھے پوری دنیا دے عازمین حج سانڳے نیک تمناواں تے دعاواں دا اظہار کریندے ہوئیں زور ݙتے جو او وقار کوں برقرار رکھن، مناسک حج دے تقدس دی پاسداری کرن ، صبر و تحمل نال کم گھنن تے منی دے خیمیں تے پڄ تے بھرپی کوں ودھارا ݙیون ۔عازمین حج دے ناویں آپݨے سنھیے اچ انہاں یقین ݙیوائے جو تساݙیاں شکایتاں تے تحفظات تے مکمل تعاون یقینی بݨیندے ہوئیں وزارت اتے پاکستان حج مشن منیٰ اچ آپݨے خیمیں اچ حجاج/مشاہیر دیاں سہولتاں متعلق سارے مسئلیں کوں وختی حل کرݨ سانڳے پرعزم ہن ۔ وفاقی وزیر مزید آکھیے پاکستانی زائرین دی اکثریت پرامن اتے منظم طریقے نال رہندے پئن کجھ مکاتب اچ جتھاں ناکافی جاہ دیاں شکایتاں سامݨے آئن وزارت مذہبی امور انہاں کوں مکاوݨ تے حل کرݨ سانڳے عملے تے معاونین کوں وختی طور تے تعینات کیتے۔کہیں وی شکایت سانڳے عازمین سعودی انتظامیہ نال 0125269600 یا 1966 تے رابطہ کرن تے جݙاں جو وختی حل یقینی بݨایا ونڄ سڳے۔
