اسلام آباد۔8ستمبر (اے پی پی):وفاقی وزیر اطلاعات و نشریات چوہدری فواد حسین آکھیے جو اساݙی طالبان نال ڳال مہاڑ تھیندی پئی اے ، بھارت پاکستان دے خلاف مسلسل پروپیگنڈا کریندا پئے ، بھارتی میڈیا ھک ویڈیو گیم اچ لڑائی ݙکھا تے اے ظاہر کرݨ دی کوشش کیتی جو پنج شیر حملیں اچ پاکستان کارروائی کیتی، بدقسمتی توں بھارت دے ایجھے گھنائونے اقدامات اتے پروپیگنڈیں توں عام آدمی متاثر تھیندے۔ اے ڳال انہاں بی بی سی ورلڈ ںال ڳال مہاڑ کریندے ہوئیں آکھی اے ۔ افغانستان اچ نگران سیٹ اپ دے حوالے نال ھک سوال دے ولدے اچ وفاقی وزیر اطلاعات آکھیے جو افغانستان اچ نگران سیٹ اپ تے ردعمل ݙیوݨ قبل از وقت ہوسی، اساکوں کجھ انتظار کرݨا چاہیدے، ایں ویلھے اے ڳال کرݨ مناسب کائنی ، ھک سوال دے ولدے اچ انہاں آکھیے جو میڈیا دے ذریعے پتہ لڳے جو سی آئی دے سربراہ کابل وچ ہن ، میڈیا دی رپورٹس توں ہی پتہ لڳیے جو ترکی اتے قطر دی انٹیلی جنس دے سربراہان وی کابل اچ موجود ہن ، جے اساں آپݨے وزیر خارجہ کوں کابل بھیجیندے تاں او اتھاں کیں نال ملاقات کریندے ؟ اتھاں کوئی وزیر خارجہ موجود کائنی۔ انہاں آکھیے جو باضابطہ حکومت دی عدم موجودگی اچ ھک ایجھے فریم ورک دی لوڑھ ہوندی اے جتھاں ݙوہیں ملک ھک ݙوجھے کوں پیش آندے چیلنجز تے ڳال کرسڳن کابل اچ باضابطہ حکومت دی عدم موجودگی اچ انٹیلی جنس ادارے ایجھے فریم ورک تشکیل ݙیندن ، ھک سوال تے وفاقی وزیر اطلاعات آکھیے جو اساکوں افغانستان دے نال سنگین مسئلے رہین جنھاں وچ داعش اچ توسیع، پناہ گزیناں دے مسئلے تے ٹی ٹی پی دی افغانستان توں مائیگریشن شامل ہن۔ انہاں آکھیے جو طالبان نال ساݙی ڳال تھیندی پئی اے ، پاکستان طالبان دے امریکا ںال مذاکرات اچ سہولت ݙتی ۔ افغانستان اچ غیر ملکی شہریاں کوں نکلݨ اچ پاکستان مدد فراہم کیتی اساں افغانستان اچ پھتے ہزاراں لوکاں کوں کڈھیے ، افغانستان توں غیر ملکی شہریاں دے انخلا دی اساݙیاں کوششاں دی پوری دنیا تعریف کیتی اے ۔
