اسلام آباد۔27اکتوبر (اے پی پی) وزیر خارجہ بلاول بھٹو زرداری جموں تے کشمیر دے سارے شہیداں کوں انہاں دی لازوال قربانیاں تے زبردست خراج عقیدت اتے انہاں دے ٹٻراں کوں انہاں دے عزم اتے استقامت تے خراج تحسین پیش کیتا۔ مقبوضہ کشمیر تے بھارت دے غیر قانونی تسلط دے خلاف یوم سیاہ دے موقع تے آپݨے سنیھے اچ انہاں آکھیا جو اڄ بھارت دے غیر قانونی طور قبضے اچ جموں تے کشمیر تے انہاں دی مرضی دے خلاف غیر قانونی قبضے دے 75 سال پورے تھی ڳن۔ 75 سال پہلے27 اکتوبر 1947 کوں بھارتی آپݨی فوجاں زبردستی کشمیر اچ لہائی اتے اوں ویلھے توں بھارت علاقے تے زبردستی اتے غیر قانونی قبضے کیتا ہوئے۔ انہاں آکھیا جو مقبوضہ کشمیر اچ آبادیاتی تبدیلیاں کیتے بھارت دی مذموم مہم پنج اگست 2019 توں جاری اے اتے بھارت آپݨے آئین دے آرٹیکل 370 اتے اے35 کوں منسوخ کر ݙتے جئیں مقبوضہ کشمیر کوں خصوصی حیثیت ݙتی ہئی۔ وزیرخارجہ آکھیا جو کشمیریاں دی ترائے نسلاں دنیا اتے اقوام متحدہ دے وعدیاں دا انتظار کریندی رہہ ڳی جو او مسئلہ کشمیر دے حل کیتے آپݨا کردار نبھیسی۔ پاکستان عالمی برادری توں مطالبہ کریندے جو او بھارت کوں جوابدہ ٻݨاوݨ کیتے عملی اقدامات کرے۔ بھارتی حکومت کوں 5 اگست 2019 دے ہک پاسہ اتے غیر قانونی اقدامات واپس ڳھݨے چاہیدن۔
