اسلام آباد۔13مارچ(اے پی پی)وزیراعظم شہباز شریف وفاقی حکومت دے اخراجات ڳھٹاوݨ کیتے 7 رکنی کمیٹی ٻݨا ݙتی اے، نوٹیفکیشن موجب کمیٹی دے چیئرمین، ڈپٹی چیئرمین پلاننگ کمیشن ہوسن۔ کمیٹی اچ سیکرٹری کابینہ ڈویژن، سیکرٹری فنانس ڈویژن، سیکرٹری آئی اینڈ پی راشد محمود لنگڑیال ، ڈاکٹر قیصر بنگالی، ڈاکٹر فرخ سلیم، ڈاکٹر محمد نوید افتخار شامل ہین۔ کمیٹی ادارہ جاتی اصلاحات اتے وفاقی حکومت دا حجم ڳھٹاوݨ تے کم کریسی اتے اخراجات ڳھٹاوݨ کیتے ٹی آر اوز طے کرݨ سودھا عملی منصوبہ وی ݙیسی۔ کمیٹی فنانس ڈویژن دی قومی کفایت شعاری رپورٹ دا وی جائزہ ڳھنسی، ڳھٹ اخراجات سانڳے پنشن سکیم، پی ایس ڈی پی یا ٻیاں تجویزاں ݙیسی۔ اے کمیٹی اپݨی رپورٹ ہک ہفتے اچ وزیراعظم کوں پیش کریسی۔
