جہلم ۔29جنوری (اے پی پی):وفاقی وزیر اطلاعات و نشریات چوہدری فواد حسین ہفتے کوں للہہ توں جہلم ڈوئل کیرج وے منصوبے تے تعمیراتی کماں دا جائزہ ڳھدے ۔ ایں موقع تے وفاقی وزیر اطلاعات کوں منصوبے تے جاری کم دے حوالے نال بریفنگ ݙتی ڳئی ۔ وفاقی وزیر اطلاعات منصوبے تے کم دی رفتار تے معیار تے اطمینان دا اظہار کیتے اتے منصوبیں کوں وختی مکمل کرݨ دی دہایت کیتی ۔ واضح رہے جو 13 ارب روپے دی لاڳت توں تعمیر تھیوݨ آلی ایں سڑک توں علاقے اچ کاروباری سرگرمیاں سودھے کھیوڑہ کان اتے قلعہ نندنا جیہے سیاحتی جہیں کوں ودھارا تھیسی ۔ وزیراعظم عمران خان للہہ توں جہلم ڈوئل کیرج وے منصوبہ آندے سال مارچ 2023 اچ مکمل کرݨ دی خصوصی ہدایت کیتی اے ۔ منصوبہ دا پہلا فیز للہہ انٹرچینج توں پنڈ دادنخان تے ݙوجھا فیز مصری موڑ توں بخاری چوک اڄوکے سال جون اچ پورا تھیسی ۔اے منصوبہ منڈی بہائو الدین، جہلم، سرگودھا تے خوشاب دے عوام دی تقدیر بدل ݙیسی۔
