اسلام آباد۔21فروری (اے پی پی) وزیراعظم دے ترجمان تے معاون خصوصی برائے سیاسی ابلاغ ڈاکٹر شہباز گِل آکھیا جو پرچی چیئرمین دی اچھل کود صرف کرپشن کیسز توں بچݨ کیتے اے، سندھ دے ڈاکواں عوام دی فلاح کیتے کوئی کم نی کیتا۔ اے ڳالھیں انہاں بلاول زرداری دے بیان تے ردعمل اچ آکھی۔ انہاں آکھیا جو سویلے شام صرف وفاق تے کاوڑ کڈھی ویندی اے، روٹی کپڑا اتے مکان دا نعرہ لاوݨ آلے عوام کوں لٹݨ دے سوا کجھ نی کیتا۔ وزیراعظم عمران خان گزریل دور دا گند صاف کرݨ دا ٻیڑہ چاتے، انہاں آکھیا جو لاڑکانہ دی عوام وی پرچی چیئرمین کوں مسترد کیتے۔ وزیراعظم عمران خان دے خلاف 11 کرپٹ جماعتاں کرپشن بچاوݨ کیتے کٹھی تھئین۔ ہݨ آوݨ آلا ویلھا عمران خان اتے پاکستان دی خوشحالی دا اے۔
