اسلام آباد۔11اگست (اے پی پی) عدلیہ، افواج، تعلیم، صحت اتے سارے قومی شعبیں اچ اقلیتاں دی خدمات بھلائیاں نی ونڄ سڳدیاں ، پاکستان دا قومی جھنڈا اقلیتاں دی حیثیت اتے اہمیت دی واضح نشاندہی کریندے ۔ اے ڳالھ وفاقی وزیر سرمایہ و نجکاری و صدر استحکام پاکستان پارٹی عبدالعلیم خان اقلیتاں دے ݙینھ تے آپݨے بیان اچ آکھی اے ۔ عبدالعلیم خان آکھیے ساݙا مذہب وی اقلیتاں کوں ہر لحاظ نال تحفظ اتے معاشرتی حقوق دی ضمانت ݙیندے ،اساکوں معاشرے اچ برداشت، صبروتحمل اتے بھرپی ودھاوݨ سانڳے کوششاں کرݨیاں ہوسن ، آئین اچ درج حقوق ہر اقلیت دے برابری دی سطح تے پاکستانی ہووݨ دی عملی دلیل ہن۔اساں ساریں کوں کٹھے رل تے وطن دی ترقی و خوشحالی اچ آپݨا کردار نبھاوݨا ہوسی ، اقلیتاں دے قومی ݙینھ تے مسیحی برادری سودھے ساریاں اقلیتاں کیتے خیر سگالی دے جذبات رکھیندوں، اللہ تعالیٰ توں دعا اے او ایں قومی گلدستے کوں ہمیشہ خوشحال اتے تروتازہ رکھے
