اسلام آباد۔1دسمبر(اے پی پی) چیئرمین سینیٹ محمد صادق سنجرانی ملک دے پہلے وزیراعظم نواب لیاقت علی خان دے صاحبزادے اکبر علی خان دے انتقال تے ݙکھ تے افسوس کیتے ۔ سینیٹ سیکرٹریٹ موجب چیئرمین سینیٹ آکھیے جو اکبر علی خان دے انتقال دی خبر سݨ تے ٻہوں ݙکھ تھئے ،ݙکھے ویلھے انہاں دے گھر آلیں دے ݙکھ اچ برابر دے ہیسے ۔ چیئرمین سینیٹ دعا کیتی جو اللہ تعالیٰ مرحوم دی مغفرت اتے انہاں دے درجات اچے کرے تے ݙکھی خاندان کوں اے ݙکھ حوصلے تے صبر نال برداشت کرݨ دی توفیق عطا کرے ۔ ڈپٹی چیئرمین سینیٹ مرزا محمد آفریدی، قائد ایوان سینیٹ سینیٹر اسحاق ڈار، قائد حزب اختلاف سینیٹ سینیٹر ڈاکٹر شہزاد وسیم وی اکبر لیاقت علی دے انتقال تے ݙکھ تے افسوس کریندے ہوئیں آپݨے انڄ انڄ تعزیتی پیغامات اچ مرحوم دے اہلخانہ نال دلی ہمدردی دا اظہار کیتے ۔ انہاں دعا کیتی جو اللہ تعالی مرحوم کوں اپݨے جوار رحمت اچ جاہ ݙیوے تے ݙکھی خاندان کوں صبر ݙیوے ۔
