اسلام آباد۔21دسمبر(اے پی پی) اقوام متحدہ دی جنرل اسمبلی ”عوام دے حق خودارادیت دے عالمی احساس“بارے پاکستان دی قرارداد اتفاق رائے نال منظور کرڳھدی۔ اے قرارداد ڄق دے 72 ممالک دی حمایت نال متفقہ طور تے منظور تھؤی اے۔ دفتر خارجہ دے ترجمان آکھیے جو قرارداد غیر ملکی قبضے، نوآبادیاتی تسلط اتے محکومیت نال لوکاں دے حق خودارادیت سانڳے واضح حمایت دی تصدیق کریندی اے۔ قرارداد اچ غیر ملکی قبضے، مداخلت و جارحیت دی سختی نال مخالفت کریندے ذمہ دار ریاستاں توں مطالبہ کیتا ڳئے جو او اینڄھیاں کارروائیاں فوری بند کرن۔ بیان دے مطابق قرارداد دی منظوری مقبوضہ علاقیاں دے عوام دے حق خودارادیت دے ناقابل تنسیخ حق دی توثیق اے جیندا حق انہاں کوں بین الاقوامی قانون، اقوام متحدہ دے چارٹر اتے اقوام متحدہ دی کئی قرارداداں اچ ݙتا ڳئے۔
