اسلام آباد۔3اپریل(اے پی پی)وزیراعظم عمران خان تحریک عدم اعتماد مسترد تھیوݨ تے آکھیے جیکر رات ساریں کوں ݙسا ݙیندا تاں اڄ ایویں اپوزیشن صدمے اچ نہ ہوندی، حالی تئیں اپوزیشن کوں سمجھ نئیں آندی پئی جو تھیا کیا اے۔ وزیراعظم عمران خان پارٹی رہنماواں نال الیندے آکھیے جو اراکین اسمبلی کوں آکھیا ہم جو ” ڳھٻراوݨا نئیں ” آخر اویں تھئے، جو اے بیرون ملک توں حکومت وٹاوݨ دی سازش تھیندی پئی ہئی، نیشنل سیکیورٹی کونسل کوں بیرونی سازش دی تفصیل ݙسا ݙتی ہئی، نیشنل سکیورٹی کونسل وی واضح کر ݙتا ہا جو عدم اعتماد اچ بیرونی ہتھ ہے، ڄݙاں قومی سلامتی کمیٹی کنفرم کر ݙتے تاں عدم اعتماد غیر متعقلہ ہئی، بیرونی طاقتاں کہیں آزاد ملک دے اندرونی معاملات اچ مداخلت نئیں کر سڳدی، نیشنل سکیورٹی کمیٹی اجلاس اچ آرمی چیف سودھا سارے سروسز چیف موجود ہن۔ انہان آکھیا جو نیشنل سکیورٹی کونسل دے منٹس جاری کیتن، یہ ہک باہر وتوں منصوبہ ٻݨایا ڳئے، کمیٹی واضح کیتے جو خط حقیقت اے بھل اپوزیشن ایکوں نئیں سمڄھ سڳی۔
