لاہور۔14نومبر (اے پی پی) صدر مملکت ڈاکٹر عارف علوی آکھیا جو اڄ دی دنیا اچ علم دی معیشت ترقی دی کنجی اے، غریبی مکاوݨ کیتے اساکوں تعلیم تے علم کوں ودھارا ݙیوݨا پوسی۔ نینگر نسل اساݙا قیمتی اثاثہ اے، نینگر ملک دی تقدیر بدل سڳدن۔ فارغ التحصیل طلبہ تے طالبات دے ذمہ واری اے جو ملک دی ترقی کیتے عملی میدان اچ آپݨا کردار ادا کرن۔ اے ڳالھیں انہاں منہاج یونیورسٹی دے کانووکیشن اچ بطور مزمان خصوصی شرکت اچ خطاب کریندیں ہوئیں آکھی۔ صدر مملکت آکھیا جو ماڈرن ایجوکیشن تے ودھارے کیتے شیخ الاسلام پروفیسر ڈاکٹر طاہرالقادری دی خدمات قابل تعریف ہن۔ انووکیشن اچ وائس چانسلر پروفیسر ڈاکٹر ساجد محمود شہزاد منہاج یونیورسٹی لاہور دا تعارف اتے مختلف ڈگری پروگرامز بارے شرکا کانووکیشن کوں ݙسیا۔ کانووکیشن اچ 57 طلبہ کوں گولڈ میڈل،172 کوں رول آف آنر اتے 62 طلبہ کوں میرٹ سکالرشپس ݙتے ڳے۔ کانووکیشن اچ صدر اسلامی جمہوریہ پاکستان ڈاکٹر عارف علوی بطور مزمان خصوصی شرکت کیتی جڈانجو ایں موقع تے سپیکر پنجاب اسمبلی سبطین خان ،سیکرٹری پنجاب اسمبلی عنایت اللہ لک،ڈپٹی چیئرمین بی او جی منہاج یونیورسٹی ڈاکٹر حسین محی الدین قادری،وائس چانسلر پروفیسر ڈاکٹر ساجد محمود شہزاد،کانووکیشن اچ ناظم اعلی منہاج القرآن انٹرنیشنل خرم نواز گنڈا پور ،تاجر رہنما ،بابر جاوید بٹ ،طارق نثار سمیت مختلف سیاسی اتے سماجی شخصیات دے علاوہ منہاج یونیورسٹی دے ڈینز،ایچ او ڈیزاتے پوزیشن ہولڈرز طلبہ اتے والدین دی وݙی تعداد شریک تھئی۔
