اسلام آباد۔22اپریل (اے پی پی) وزیر اعظم محمد شہباز شریف اتے اسلامی جمہوریہ ایران دے صدر ڈاکٹر سید ابراہیم رئیسی سنوار کوں ݙوپاسہ اتے علاقائی معاملیاں تے تفصیلی ڳالھ مہاڑ کیتی۔ دفترخارجہ توں جاری بیان موجب ݙوہیں رہنماواں ݙوپاسہ تعاون کوں ودھاوݨ خصوصی طور تجارت، توانائی، رابطے، ثقافت اتے عوام توں عوام دے رابطیاں دے شعبے اچ تعاون کوں ودھاوݨ دا عزم کیتا۔ انہاں غزہ دی صورتحال تے تشویش کیتی اتے فوری اتے غیر مشروط جنگ بندی، محاصرہ ختم کرݨ اتے غزہ دے لوکاں کوں انسانی بنیاداں تے امداد ݙیوݨ کیتے بین الاقوامی کوششاں تے زور ݙتا۔ وزیراعظم کشمیری عوام اتے انہاں دے جائز حقوق کیتے ایران دی اصولی حمایت تے ایرانی قیادت دی تعریف کیتی۔
